Benefits of bath salts

Bath salts aren't just good for the body; they're also good for the mind. Bath salts help heal many ailments and can help you relax.

Грекчүүд давстай ваннд орохын гайхамшгийг бүр эртнээс мэддэг байж. Далайн давстай ваннд орсноор оюун ухаанаа сайжруулж, залуу сайхан биеэ торддог байжээ. Ачаалал ихтэй ажлын өдрийн дараа анхилуун үнэртэй ваннд орох шиг таатай зүйл гэж үгүй биз ээ.

Тусгай зориулалтын давснууд нь остеохондроз, судас хатуурах, даралт ихсэх өвчний эхэн үе, ходоодны шарх, гэдэс дотрын өвчин зэрэг олон таагүй өвчний үед эмчилгээний таатай нөлөө үзүүлдэг юм. Үүнээс гадна булчин болон судасны өвдөлтийг намжаан, бодисын солилцоог түргэсгэнэ.

Энд онцолж хэлэхэд ваннд зориулсан давсны гол ашиг тус нь үнэрэндээ байдаг. Хэрвээ та онгоцонд орохдоо хийсэн давс нь ямар ч үнэр гаргахгүй байгаа бол бие организмд нөлөөлөх эерэг үйлчлэлийн тухай ярихын ч хэрэггүй. Сэтгэл зүйн таагүй байдлыг ургамлын сайхан үнэр, эрдэс бодисын тустай шинж чанартай нэгдсэн тэр үед л арилгаж чадна. Иймд ваннд зориулсан давс худалдан авахдаа үнэрийг нь мартаж болохгүй шүү.

Мөн давсны найрлагад химийн будагч бодис орсныг санах хэрэгтэй. Давсны хэлбэр маш олон янз. Ихэвчлэн нунтаг эсвэл илүү том ширхэгүүдтэй эсвэл бөмбөлөг хэлбэртэй байдаг. Үүнээс гадна давс нь кали, кальци, марганец, йод, бром, фосфор, натри, магни зэрэг хүний эрүүл мэндэд тустай, залуу насыг хадгалахад зайлшгүй хэрэгтэй эрдэс бодисоор баялаг байдаг юм.

- Магни гэхэд амьсгалын зам болон арьсны салстаар илрэх харшлын эсрэг үйлчлэл үзүүлж, бодисын солилцоог идэвхижүүлэн, өвдөлтийг намдаана.

- Бром нь хортой бодисыг эд эсээс зайлуулах, эд эсийг сэргээх үйлчлэлтэй эрдэс бодисын нэг. Мөн бром нь мэдрэлийн системийг тайвшруулж, халдварын эсрэг шинжийг агуулсан байдаг.

- Йод нь бодисын солилцоог сайжруулж, бамбай булчирхайн хэвийн үйл ажиллагааг хангана.

- Кали булчингийн хэвийн ажиллагаанд зайлшгүй шаардлагатай эд эсийн усны тэнцвэрийг барина.

- Натри бол эд эсийг чийгээ алдахаас хамгаалж, хүчлийн тэнцвэрийг барьж байх үүрэгтэй.

- Кальци нь харин амьдралыг уртасгахад нөлөөлнө.

Ванны давсыг эмэгтэйчүүд хамгийн их хэрэглэдэг. Гэхдээ эрчүүдэд тусгайлан зориулсан давс бас бий. Эдгээр давсанд ихэвчлэн депрессын эсрэг үйлчлэл бүхий пачулын экстрактаас хийдэг юм. Ийм давстай онгоцонд орсны дараа сэтгэл санаа тайвширч, булчингууд сулран, цусны эргэлт түргэсч, сөрөг эмоци арилдаг.

Жимсний эмчилгээний ач холбогдол

ЧАЦАРГАНА/ Seaberry/

Чацаргана нь исгэлэн амттай, олон зүйлийн аминдэм, тавь гаруй биологийн идэвхт бодис агуулсан байдаг. Чацарганы тосыг уламжлалт болон шинжлэх ухааны эмнэлэгт өргөн хэрэглэнэ.

Чацаргаы тос биологийн идэвхт бодисыг шингээсэн байдаг. Чацарганы тос эд эсийн хөгжилтийг хурдасган, нөхөн төлжилтийг идэвхжүүлснээр ходоод гэдэсний шархлаа, судлын ханын хатуурал, цус алдалт, эмэгтэйчүүдиин өвчин, арьсны түлэгдэлт болон цацраг идэвхт бодист хордсон зэрэг эмгэг өвчнүүдийг анагаах ба хорт хавдрын өсөлтийг сааруулдаг. Чацарганы тосыг өдөрт 2-3 удаа хоолны халбагаар, хоол идэхээс 1 цаг орчмын өмнө уувал ходоодны шархыг бүрэн анагаана.
Чацарганы найрлаганд: саахар /3.5%/, глюкоз болон органик исэл /3.2%/, Е амин дэм 165 мг% болон төмөр, бор, марганец зэрэг бусад элементүүд агуулагдсан байдаг.

ГҮЗЭЭЛЗГЭНЭ

Ойн гүзээлзгэнэ, түүний шүүс / сок/-ний найрлагын 15 хүртэлхи хувийг сахар, С болон В-гийн төрлийн аминдэмүүд, каротин, фолийн хүчил, ургамлын эслэг, пектинүүд, кобальт /албин чулуу/, төмөр, кальц, фосфор, марганец, нэмбэгийн болон алим-салицилийн хүчлүүд эзэлдэг.

Гүзээлзгэний шүүсийг боловсорч гүйцсэн жимснээс болон түүний навчнаас гарган авдаг. Навч болон үр жимснээс гарган авсан шинэ шүүсийг цус багадалт /анемия/, хлорозийн үед цөс хөөлгөх, цэр ховхлох, шархны эдгэрэлтийг түргэсгэх, өвчин намдаах зорилгоор хэрэглэдэг.

Шүүс нь гастрит, ревматизм, аминдэмийн дутмагшилт, рахит, экзем зэрэгт сайн.

Эмчилгээний практикт эдээ шүүстэй экземийг гүзээлзгэний шүүсний шавшлагаар амжилттай эмчилж байсан тохиолдол олон байдаг. Гүзээлзгэний шүүсийг /жимсний/ цус багадалт, шархлаат өвчнүүдийн үед хоолны дуршил сайжруулах, эмэгтэйчүүдийн савны цус алдалт, цөсний чулуужилтын үед бактер устгах, халдваргүйжүүлэх зорилгоор ашиглахаас гадна гоо-сайхны эмчилгээнд пигментийн толбо, сэвх арилгахад ашигладаг.

Гүзээлзгэний навч, шилбэ, цэцгийн болон жимснээс гарган авсан шүүсийг цөс чулуужих, астма, чихрийн шижин ба нойргүйтэх, даарснаас үүссэн элдэв өвчнүүдийн үед хэрэглэнэ. Ялангуяа цөснийчулуужилт, цус багадалтын үед гүзээлзгэний шүүс нэн ач холбогдолтой. Шүүсийг өдөрт цайны халбагаар 3 удаа, хоолны өмнө хэрэглэнэ. Навчны шүүсийг цусны өвчин хоолойны ангины үед бүлээсгэж уунa.

УЛААЛЗГАНА

Улаалзганы найрлаганд сахар, С-аминдэм, пектинүүд болон органик хүчлүүд ихээр агуулагдсан байдаг. Түүний найрлага дахь валерин / бамбайн/-ы хүчил нь тайвшруулах үйлчилгээтэй.
Улаалзганы үр жимс нь шээс, хөлс хөөдгөөс гадна улаалзганатай цай, зөгийн балтай шүүсийг эрт дээр үеэс халуунтай өвчтөнд уулгадаг байжээ. Жимсийг нь хоол боловсруулах эрхтний өвчний үед ууж хэрэглэдгээс гадна зүрхний булчингийн агшилтыг нэмэгдүүлж, судасны лугшилтыг тогтворжуулдаг тул биеийн тамир эмчилгээнд өргөн ашигладаг. Улаалзганыг хатааж цэвэрлээд шахаж шүүсийг нь авдаг.

Эрт дээр үеэс улаалзганы шүүсийг цардуулын бурамтай нухаж хорт хавдрын хэсгийн өвдөлтийг намжаахад ашигладаг байжээ. Улаалзганы сэрүүн ундааг ходоодны шүлт багадсан буюу арьсны төрөл бүрийн өвчний үед ууна. Тодорхой заалтгүйгээр улаалзганы шүүсийг зөгийн балтай найруулан хоолны өмнө 40-50 мг-аар ууж байвал хоол боловсруулалтанд онцгой сайн нөлөөлнө. Улаалзганы навчийг буцалгаж, сайтар хандлан уувал дархлаа сайжирч, багтраа арилна. Шүүсийг нь зөгийн балтай адил хэмжээгээр найруулан ууваас гастрит, эмэгтэйчүүдийн сарын тэмдэг зовиуртай ирэх зэрэгт сайн. Цэвэр /хольцгүй/ шүүсийг арьсны өвчинд шавшлага хэлбэрээр ашигладаг.

Удаан хугацаагаар хөхиүлэн ханиалгах үед улаалзганы жимсний чанамлыг хэрэглэдэг. Энэхүү чанамал нь усан хаван гуйх, хоолой сөөх зэрэгт нэн сайн. Харин хандыг нь хоол боловсруулах эрхтний хямралын үед ууж хэрэглэдэг гэнэ.

Fish & Your Health

Загасны мах идсэнээр та зүрх судасны өвчний элдэв эрсдэлээс бүрэн ангижирна. Загасны махыг долоо хоногт хоёроос багагүй удаа хэрэглэх нь эрүүл мэндэд тань сайнаар нөлөөлж, аливаа өвчнөөс урьдчилан хамгаалахаас гадна өвдсөн үед тань ч сайнаар нөлөөлж, хурдан эдгээхэд тус болдог байна. Энэ бүхэнд загасны маханд байдаг Омега-3 хэмээх загасны тос маш их нөлөөтэй ажээ. Омега-3 нь төв мэдрэлийн системийн хөгжил, үйл ажиллагаанд сайнаар нөлөөлдөг бөгөөд энэ бүхэн нь ялангуяа бага насны хүүхдэд илүү сайн байдаг гэнэ.Эмэгтэйчүүд жирэмсэн үедээ болон хөхүүл байхдаа загас сайн идэх нь хүүхдийн хөгжилд сайн нөлөөтэй ажээ. Хөлдөөсөн, чанасан, жигнэсэн, шарсан гээд л бүхий л төрлөөр боловсруулсан загасанд амин дэм, омега-3 хадгаладагддаг. Харин лаазалсан загасанд амин дэм агуулдаггүйг мэдэхэд илүүдэхгүй.

Vitamin B6 and its Benefits

В6 бол В-гийн төрлийн аминдэм дотроос эмэгтэй хүний организмд хамгийн хэрэгцээтэй нь юм. Тухайлбал, жирэмсний үе, сарын тэмдэг ирсэн үе, цэвэршлийн насанд, жирэмслэлтээс хамгаалах эм бэлдмэл ууж буй үед В6 аминдэмийг хэрэглэх нь элдэв төрлийн хүндрэл үүсэхээс сэргийлдэг. Бас В6 аминдэм нь эмэгтэй хүний бие организмд бэлгийн дааврын тэнцвэрийг хадгалахад чухал үүрэг гүйцэтгэдэг төдийгүй зарим төрлийн хавдраас урьдчилан сэргийлэх үйлчилгээтэй. Бодисын солилцоог ч дэмжиж өгнө.

B6-гийн төрлийн ихэнх аминдэм нь үрийн соёо, грек самар, хивэг, өргөст ногоо буюу бууцай, төмс, цэцэгт байцаа, лууван, шанцай, бөөрөнхий байцаа, улаан лооль, авокадо жимс, гүзээлзгэнэ, интоор, гадил жимс, нимбэг, бас жүржид элбэг бий. Мөн махан бүтээгдэхүүн, элэг, загас, өндөг, будаа болон буурцаг, ялангуяа шар буурцагт баялаг агуулагдана. Таблетик хэлбэрээр нийлэг аргаар гаргасан В6 аминдэмийг эмийн сангаас нэг пиридоксиноор худалдаж авбал ямар нэг сөрөг үр дагавар дагуулахгүй. В6 нь бусад В-гийн төрлийн аминдэмгүйгээр эерэг нөлөөлөл нь даруй дөрөв дахин буурдаг гэнэ.

Харь нутгийн сайн санаат хүмүүс

Монголчууд бид, нэг нэгэндээ тус болох сөхөөгүй урдах амьдралдаа түүртээд явж байхад, харь нутгийн сайн санаат хүмүүс ийм сайхан аян зохиож, биднээс илүүтэй Монголын минь ирээдүйн үр хүүхэд, улсын маань хөгжилд санаа тавьж байгаад үнэхээр их баярлаж байна.
Сайн үйлс бүхэн дэлгэрэн түгэх болтугай!

Английн Go Help хүмүүнлэгийн байгууллагаас зохион явуулдаг "Mongolia Charity Rally" нь жил болгон явагддаг бөгөөд, Англи болон бусад бүх улсаас оролцох хүсэлтэй хүмүүсийг энэ төсөлд хамруулах боломжтой байдаг байна. MongolResponse-ын залуус маань энэ үйл ажиллагааны зөвхөн нэг баг нь бөгөөд цаана нь энэ багтай адилхан ойролцоогоор 30-аад баг байна билээ. Эхлээд та бүхэндээ энэхүү үйл ажиллагааны талаар товчхон мэдээлэл хүргэсэн дээр байх аа.

Mongolia Charity Rally нь цэвэр хүмүүнлэгийн үйл ажиллагаа бөгөөд эндээс олсон бүх хандив, тусламж, машин, тоног төхөөрөмжүүд Save The Children, CAMDA, Go Help зэрэг байгууллагуудад очдог байна.

Ингээд энэ байгуулагуудын туслалцаатайгааар Монголын хүүхэд залуусын ирээдүй, эх орны маань алс бөглүү газрын хөгжил цэцэглэлтэнд дээрхи төслөөс хуримтлагдсан мөнгө, хөрөнгө зориулагддаг байх юм.

Энэ аялал Лондон - Улаанбаатар гэсэн үндсэн маршруттай бөгөөд Энэ жилийн ээлжит аялал нь 7 сарын 11-нд буюу Лондонд болсон Англи дахь Монголчуудын Наадмаар албан ёсоор гараагаа эхэлсэн байна.

Энэхүү аялалд оролцохыг хүссэн хүмүүс доод тал нь 1000£ буюу ойролцоогоор 1643$-н хандив цуглуулсан байх бөгөөд мөн аялалд явах өөрийн унаагаа бэлдсэн байх гэсэн үндсэн нөхцөлтэй. Оролцож байгаа багуудын машинууд дунд нэлээд хэдэн Түргэн тусламжийн тэрэг харагдсан.

Тэгээд эцсийн цэг болох Улаанбаатар, Сүхбаатарын талбайд ирээд аялалын оролцогчид маань өөрсдийн унаж ирсэн машин болон, тоног төхөөрөмжүүдээ Save The Children, CAMDA, Go Help зэрэг байгуулагуудын Монгол дахь төлөөгчидөд гардуулах ёстой юм байна.

MongolResponse-ын 2 залуу маань Монголчуудад түргэн тусламжийн тэрэг бэлэглэхээр явж байгаа бөгөөд яг өнөөдрийн байдлаар Greece-т явж байгаа сурагтай. Та эдгээр залуусын шинэ мэдээллийг авахыг хүсвэл твиттер лүү нь орж аваарай.

Энэхүү хүмүүнлэгийн аялалын дэлгэрэнгүй мэдээллийг авахыг хүсвэл албан есны сайт болох charityrallies.org-орж үзээрэй. Энэ төслийг хэрэгжүүлэгч Go Help-ийн талаар мэдээлэл авахыг хүсвэл www.gohelp.org.uk энэ сайруу ороорой. Мөн та бүхэндээ сонирхуулах үүднээс энэ аялалын тухай хэвлэл мэдээллийн хэрэгслүүдээр цацагдсан видео, Лондонд болсон 7 сарын 11-ний гарааны бичлэг, мөн 2008 онд зохиогдсон аялалын бичлэгүүд зэргийг хавсарган орууллаа. Бүх багуудын зургын цомгийг энд дараад орж үзээрэй.

Эцэст нь хэлэхэд энэ сайхан аянг зохион байгуулж байгаа Go Help болон энэ аялалд оролцож байгаа бүх багууддаа үнэхээр их талархаж байгаагаа хэлэх нь зүйтэй. Тэдний маань алтан шар зам нь өлзийтэй байх болтугай!



www.tsegmee.com

Сүрчиг - Perfume

Үнэртэй усыг хэрэглэж ирсэн түүх та бидний мэдэх Клеопатра хатан хаан, Египет, Ромын хаад, ихэс дээдсээс улбаатай. Тухайн үед сүрчгийг харц энгийн ардууд хэрэглэвэл бүр цаазаар авах ял ч сонсох хүртэл шийтгэл оноогддог байв. Тэгвэл өнөөдөр Клеопатрагаас л үнэртдэг байсан сайхан үнэр эмэгтэй хүн бүрээс үнэртэх боломжтой болсон.

зөвлөгөө

- Ажил хэргийн болон өдрийн цагаар /дорны/ буюу хурц чамин хэрэглэх зохисгүй юм. Харин зөөлөн ердийн сүрчиг хэрэглэх нь зүйтэй. Харин орой үдшийн цагаар, үдэшлэг уулзалтад хурц үнэртэнг хэрэглэж болно.
- Зөөлөн даруухан дүр төрхтэй эмэгтэйчүүд цэцгийн үнэр агуулсан сүрчиг гайхамшигтай зохидог. Харин чөлөөтэй эротик бүсгүйчүүлд хурц содон үнэр онцгой содон зохилдлогыг бий болгодог.
- Хар үстэй, боровтор царайтай ази бүсгүйчүүдэд дорны үнэртэй сүрчиг илүү зохилдоно.
- Тамхи, архи, халуун ногоо бусад хурц үнэртэй хоол ихээр хэрэглэвэл үнэрийг ихээр өөрчилдөг.
- Чиний сонгосон үнэртэн яг яаж үнэртэх бол гэдгийг мэдэхийн тулд алган дээрээ үнэртэй уснаас тусаагаад, хатангуут нь алгаа хамарныхаа хажууд авчран сэвж үнэрт.
- Үнэртэй усыг түрхэхдээ нимгэн арьстай хэсэгт түрхдэг. Чихний ар, хүзүүний урд тал гэх мэт. Энэ хэсэгт түрхсэн үед үнэр нь агаарт өргөн тархдаг.
- Мөн хүзүүний ороолт, нусны алчуурандаа шингээж болно.
- Үслэг эдлэл үнэрийг сайн хадгалдаг. Тийм учраас өвлийн цагт үстэй захтай юм өмсдөг бол түүндээ шингээгээрээ.
- Дууссан үнэртэй усныхаа савыт орны даавуу хийдэг шүүгээндээ хамт хийгээрээ. Тэгвэл үнэр нь даавуунд шингэж улмаар унтах явиад биед шингэнэ.
- Ямар ч хувисанд сүрчиг дүрхдэггүй. Яагаад гэвэл хувцаснаас амархан үнэр нь гарахаас гадна хувцсыг чинь завааруулах магадлалтай.

- Хурц үнэртнээс татгалзаж үл мэдэг, нялуун биш цэцгийн үнэртэй сүрчиг хэрэглэх нь зохимжтой.

Дэлхийн үнэртэнгийн урлагыг Америкийн, Европын гэсэн хоёр урсгалд хуваан авч үздэг. Европ урсгал нь өнө эртний түүхтэй. Үнэртний цуглуулга нь олон төрлиин найрлага, үнэриин асар их баялаг мэдрэмж хэлбэлзэл, савлалын загвар маш нарийн агаад үйл нь хялбар биш юм. Америк маягийн сүрчгийн онцлог нь энгийн атлаа цоглог, спорт маягийн, Европ төрөлтэй харьцуулахад орчин үеийн, нийтлэг хамгийн гол нь тансаг байдаг билээ. Ташрамд хэлэхэд: сүрчиг үйлдвэрлэгч үйлдвэрүүдийн үйлдвэрлэлийн бүх л үе шат патентлагдан нууцлагдсан байдаг учраас эдгээр аж үйлдвэрүүдээс зөвхөн дөрөвхөн нь л жуулчдад өөрийн үйл ажиллагааг сонирхон үзэхийг зөвшөөрдөг байна.

Beetroot And Health Benefits Of Beetroot

Хүрэн манжин нь биологийн үнэт бодисуудыг агуулдаг анагаах чанартай хүнсний түүхий эд юм. Хүрэн манжинд бусад ногоонд илрээгүй батейн агуулагддаг бөгөөд энэ нь өөх тос, уургийн солилцоонд оролцож цус болон элгэнд хуримтлагдсан хорт бодисыг саармагжуулж хүнд металлын давсыг холбох чадвартай.

ХҮРЭН МАНЖИНГИЙН АНАГААХ ЧАНАР

• төв эмэдрэлийн системийг тйавшруулах нөлөө үзүүлнэ.
• Цусны даралтыг багасгана
• Цусан дахь холестерины хэмжээг бууруулна
• Ходоод гэдэсний гүрвэлзэх хөдөлгөөнийг сайжруулна
• Өтгөн хаталтаас урьдчилан сэргийлнэ.
• Цус төлжүүлэх ба цусны судсыг бэхжүүлнэ.
• Судас хатуурахаас урьдчилан сэргийлнэ.
• Бамбай булчирхайн өвчнөөс сэргийлнэ.
• Хоол боловсруулах эрхтэний үйл ажиллагааг сайжруулан хоолны дуршилыг нэмэгдүүлнэ.
• Цөс тогтонгиших, өтгөрөхөөс урьдчилан сэргийлнэ
• Хорт хавдрын өсөлтийг зогсоох зорилгоор хэрэ,глэж болно.

ХОРИГЛОХ ЗААЛТ

• Сахарын шижин өвчний үед
• Давсаг чулуужих өвчнй үед
• Шээсэнд оксалат илэрсэн үед
• Цусанд фосфатур, сахарын хэмжээ ихэссэн үед хэрэглэж болохгүй.

Хүрэн манжинд
уураг 3%,
сахароз 16%,
глюкоз 0,3%,
фруктоз 0,1%,
эслэг 1,4%,
пектинт бодис 3,8%, бага хэмжээний цардуул, органик хүчил, будагч бодис, бетайн, макро ба микроэлемент кали, магни, натри, төмөр, иод, кобальт агуулдагаараа онцлогтой.

Home Medicine Guide

Та элдэв євчнєєс анагаах эм хайхын тулд эмийн сан руу яаран гvйхээ урьтал бvv болгоорой. Тvvний оронд эхлээд галын єрєєндєє ор, хєргєгчєє нээгээд хар. Химийн найрлагатай элдэв эмнээс онгон байгальд ургадаг цэцэг навч, хоол хvнсний зvйлд хvний биед хэрэгтэй эрдэс бодис элбэг байдаг тул анагаах чадвар нь тэр хэрээр єндєр гэдгийг мэдэхэд илvvдэхгvй.

Тиймээс гэрийн эмийн сан болон хvнсний хэрэгцээнд зориулан нєєцлєхєд гэмгvй зарим зvйлсийн талаар мэдээлэл хvргэе.
1. Зєгийн цэвэр бал-Ханиад амьсгалын замын болон элэг, хоол боловсруулах замын євчинд хэрэглэнэ.
2. Тамедин 0.7 хувь-Зааврынх нь дагуу хэрэглэхэд маш олон талын ашиг тустай.
3. Жамц давс-Амандаа хvлхэх, хоолойд нунтаглаж цацах, сулавтар уусмал бэлтгэн зайлахыг зєвлєе.
4. Цахилдаг-Зуны эхэн сард тvvж хатаагаад хоолойгоо зайл.
5. Хєх яргуй-Ангинын vед амандаа зажлан шvvсийг нь шимээрэй.
6. Нохойн хошуу-Цус багадах, турж эцэх, бєєрний чулуу, цус алдах, судас хатуурал, яс бэртэх vед эдгэрэлтийг тvргэсгэнэ.
7. Нэрс-Чацга алдах, гэдэс дvvрэх, хэхрvvлэх, цус алдах, ходоодны хvчиллэг багасах, чихрийн шижин, vе мєчний євчний vед хандалж ууна. Шээс ялгаралтыг ихэсгэж, хєлрvvлдэг.
8. Улаалзгана-Халуурах, салхинд цохиулах, бєєр давсагны євчин, vе мєч євдєхєд ууна.
9.Vхрийн нvд-Арьсны євчин, хvvхдийн чих булагтах, салхинд цохиулах, бєєр давсагны болон vе мєчний євчинд тустай.
10. Чацаргана-Цэр ховхлох болон элэг, улаан хоолойн євчний vед хэрэглэнэ.
11. Гvзээлзгэнэ- Даралт ихсэх, судас хатуурах, аминдэм дутагдах, амны хєндийн євчлєл, амны эвгvй vнэрийг арилгана.
12. Гоньд-Нойргvйдэх vед уух, даралт ихсэхэд хєлийн уланд дэвсэж хэрэглэнэ. Мєн хєхєнд сvv оруулахад тустай.
13. Халгай-Хортой могойд хатгуулбал халгайг няцалж, шархан дээр нь тvрхэх, хаван арилгах, шарх эдгээх, шар ус хатаахад ашиглаж болно.
14. Хусны навч-Шээлгэх, цагаан хорхойг туулгахад vр дvнтэйгээс гадна судас хатуурахаас сэргийлдэг.
15. Таван салаа-Гэдэс, уушги, цагаан мєгєєрсєн хоолойн ужиг vрэвсэл, ходоодны хvчил багасах, ходоод, гэдэсний шархлаа зэрэгт тустай. Хамраас цус их хэмжээгээр гарах vед хандыг нь самбайд шингээж хамартаа тавьж болно.
16. Нимбэг-Бага багаар шимэх нь хоолойн vрэвслийг намдаадаг.

Welcome to Aura

Mанай цэргийн жагсаал сайхан санагдаж өөрийн эрхгүй бахархал төрүүллээ. Сүр жавхаа төдийгүй эмх цэгц, дэг журам, чанд сахилга гэж юу байдгийг гэнэт мэдэрлээ.

Илчлэх эрхгүй

Дөч гарсан эрд дурлаж догдлох сэтгэлийн
Дөрөөн дарсан хайрын чимээ нь даанч холхон
Дөрвөн бэрх орхихдоо шивших мэт нууцалж
Дөрвөн улирлын алинд нь ч үг алдахгүй нь хайран
Дурдан алчуурын үзүүрийг хайраар зангидаж үзэхсэн
Дутуу орхисон шүлгээрээ итгэл шигтгэж орхихсон
Ардын сайхан дуунд бадаг нэмж дуулахсан
Амраг нь болж зүүдэлж нэг үзэхсэн

Энгийн дөлгөөн аашинд нь эгшиг нэмж хайрласан
Энхэр сайхан дүр нь бодол дамжиж налайсан
Уярал учралын гүүр надаас холдож савласан
Ухаан дэндсэн харцанд нь унатлаа нэг алгадуулсан
Эргэж хөрвөх амьдралыг эвлүүлж аргадах гэсэн юм
Элбэг дээлийн энгэрт хайраа нуух гэсэн юм
Дөлгөөн нүдний харцанд сөгдөж уярах гэсэн юм
Дөч гарсан эрд би хайрлуулж нэг үзэх гэсэн юм
Хүрч боломгүй хясалдаа хөтлүүлж холдох гэсэн юм
Хүглэгэр орчлонгоос ухаан гуйх гэсэн юм
Дэндүү зохисон духны үрчлээ бүрт нуугдах гэсэн юм
Дэлхийн чимээ нөмөрт нь хэсэгхээн хором хоргодох гэсэн юм
Уруул давахгүй хайрыг нууж аргадах гэсэн юм
Уймарсан сэтгэлээ сэмлэж үдэж мордуулах гэсэн юм
Насны зөрүүтэй хайранд уярч мэгдэх гэсэн юм
Надаас өөрцгүй зовох сэтгэлд нь туних гэсиймаа
Дөч гарсан эрд дурлаж догдлох сэтгэлийн
Дөрөөн дарсан хайрын чимээ нь даанч холхон
Дөрвөн бэрх орхихдоо шивших мэт нууцалж
Дөрвөн улирлын алинд нь ч үг алдаагүй нь хайран.

The Vegetarian

АНУ-ын Шим тэжээлийн нийгэмлэг болон Канад улсын хоолзүйчдийн холбооноос цагаан хоолны эрүүл мэндийн ач тусыг “Зөв зохицуулсан цагаан хоол нь эрүүл, тэжээллэг төдийгүй зарим өвчнөөс урьдчилан сэргийлэх эмчилгээний ач тустай” гэж тодорхойлжээ. Махан хоолыг боловсруулахад ургамал болон цагаан идээнээс илүү ажиллагаа шаардагдах ба бие махбодийн илүү ажилбар бүр нь хүнийг ядраадаг бол Харин жимс, хүнсний ногоо нь махнаас 10 дахин, сүү цагаан идээ нь 5 дахин хялбар шингэцтэй, бие махбодид ашигтай олон шимт бодисын эх үүсвэр болдог төдийгүй бие махбодиос хортой бодисыг гадагшлуулах, хоргүйжүүлэх шинж чанартай болохыг шинжлэх ухаан нотолж байна. Цагаан хоол нь ханасан өөх тос, холестеролын хэрэглээг багасгаж, эслэг болон төрөл бүрийн аминдэм, эрдэс бодис, үл исэлдүүлэгч бодисын хэрэглээг нэмэгдүүлэх ач холбогдолтой. Ийм учраас цагаан хоол хэрэглэх нь эрүүл мэндэд дараах давуу талтай болох нь судалгаагаар батлагджээ. Үүнд:

1. Биеийн илүүдэл жин багасч, биеийн жин тогтворжино:
Үүний шалтгаан нь цагаан хоолтон амьтны гаралтай өөх тос, уураг бага хэрэглэдэг, согтууруулах ундаа хэрэглэдэггүй бөгөөд жимс, ногоо, сүү, цагаан идээ их хэрэглэдэгтэй холбоотой гэж эрдэмтэд тайлбарлажээ. Иймээс цагаан хоол хэрэглэснээр таргалалтаас шалтгаалсан олон эмгэгээс урьдчилан сэргийлэх боломжтой.

2. Цусанд өөх хуримтлагдахаас сэргийлж, даралт тогтворжуулж, зүрх-судасны эмгэг, цус харвалтын эрсдлийг бууруулна: Үүний шалтгаан нь цагаан хоолтнууд амьтны гаралтай өөх тос, холестерин бага хэрэглэдэг бөгөөд антиоксидант болон изофлавин, эслэгээр баялаг жимс, ногоо, буурцагт ургамал их хэрэглэдэгтэй холбоотой гэж үздэг.

3. Чихрийн шижин өвчний эрсдлийг бууруулна: Чихрийн шижин өвчтэй хүмүүсийн 80% нь “ЧШӨ II” хэлбэрээр оношлогдсон байх ба тэдний 90% нь илүүдэл жинтэй, тарган байдаг. Цагаан хоолтны биеийн жин хэвийн байхаас гадна хоолондоо эслэгээр баялаг ургамлын гаралтай хүнс түлхүү хэрэглэх учир энэ өвчинд өртөх эрсдэл буурдаг. Хорт хавдрын эрсдлийг бууруулна: Учир нь жимс, ногоо, буурцагт ургамал, үр тариа, самар зэрэг нь бие махбодиос хортой бодисыг гадагшлуулах болон хорт хавдрын эсрэг үйлчлэл бүхий олон бодисыг найрлагадаа агуулдаг.
Бөөрний өвчний эрсдлийг бууруулж, үйл ажиллагааг хөнгөвчилнө: Уургийн хэт их хэрэглээ нь бөөрний ачааллыг нэмэгдүүлж өвчний эрсдлийг нэмэгдүүлэх төдийгүй өвчилсөн бөөрийг сэдрээж хүндрүүлдэг. Ургамлын уурагтай харьцуулахад амьтны гаралтай уураг нь бөөрөнд илүү их ачаалал өгдөг. Цагаан хоол хэрэглэх нь бөөрний үйл ажиллагааг хөнгөвчилж сайн нөлөө үзүүлнэ.
Өтгөн хаталтаас сэргийлж, бүдүүн гэдэсний үрэвсэлт өвчний эрсдлииг бууруулна.
Хүнсний эслэг нь бүдүүн гэдэсний гүрвэлзэх хөдөлгөөнийг сайжруулснаар өтгөн хаталтаас сэргийлэх үйлчлэл үзүүлдэг. Хүнсний эслэгийн хамгийн сайн эх үүсвэр нь төрөл бүрийн шош, буурцагт ургамал, овъёос, эрдэнэ шиш, хивэг, бүтэн үрийн буудайн гурил, хөх тарианы гурил, төрөл бүрийн хүнсний ногоо, жимс, жимсгэнэ юм.
Цагаан хоолтны уургийн гол эх үүсвэр болох буурцгийн төрлийн ургамал (төрөл бүрийн шош, вандуй, буурцаг) нь хялбар шингэцтэйн дээр мах, өндөг, сүүний нэгэн адил бүх л үл орлуулагч аминхүчлийг агуулсан төгс уурагтай, бас ханаагүй тос, эслэг, аминдэм болон эрдэс бодисын эх булаг болдог. Тухайлбал, 100 г шар буурцгийн шинэ бяслаг /дүүпүү/ нь сүүнээс кальцийг 1.7 дахин, фосфор 2 дахин, калийг 1.3 дахин их агуулж, төмрийн агууламж нь махныхтай ойролцоогийн дээр антиоксидант / исэлдэл хориглогч/ бүлэг бодис болох изофлавиныг 200 мг буюу өөр ямар ч бүтээгдхүүнд байхгүй хэмжээгээр агуулдаг. Изофлавинууд нь бие махбодид физиологийн олон чухал үүрэг гүйцэтгэхээс гадна зарим өвчин үүсэх эрсдлийг бууруулдаг болох нь тогтоогдсон. Шимт бодисын агууламжийн хувьд 100 гр шар буурцгийн үр нь дунджаар уураг 36.8%, тос 23.5%, нүүрс ус 23.5% агуулах ба кали, натри, кальци, фосфор, магни, төмөр, фтор, зэс, иод, цайр, селен зэрэг эрдэс бодис болон А, Е, К, В1, В2, фолийн хүчил зэрэг аминдэм ихтэй гайхамшигт хүнс юм.ар буурцгийн найрлагад хорт хавдрын эсрэг үйлчлэлтэй, цусны холестеролын түвшинг бууруулах нөлөөтэй биологийн идэвхт олон бодис байгааг эрдэмтэд тодорхойлоод байна. Шар буурцгаар хийсэн төрөл бүрийн бүтээгдэхүүнийг хоол хүнсэндээ тогтмол хэрэглэдэг хүмүүсийн дунд ходоод, гэдэс, уушиг, түрүү булчирхай болон хөхний хорт хавдраар өвчлөх эрсдэл харьцангуй бага байдгийг хоолзүйчид ажиглажээ.
Хоолондоо шар буурцаг болон бусад төрлийн шош, буурцаг, вандуй хэрэглэх бол дараах аргаар боловсруулж хэрэглээрэй.

1. Усанд 8-12 цаг дэвтээнэ.Дэвтээх явцад усыг 5-6 удаа солино.

2. Усанд хийж нам гал дээр зөөлөртөл чанана.

3. Шүүж гаргаад сэврээж хөргөөд шууд хоолонд хийх юмуу хүнсний хуванцар саванд хийж хөлдөөгчид хадгалж болно. Энэ нь таны цаг зав болоод хоол болгоход зарцуулах эрчим хүч хэмнэнэ.

4. Хөлдөөсөн шош буурцгийг төрөл бүрийн хоол, зуушинд хийж болно.

Ургамлын гаралтай мах орлуулагч гэж юу вэ?
Цагаан хоол тогтмол хэрэглэх шийдвэр гаргасны дараа зарим хүмүүст нэн түрүүнд тохиолддог нэг том бэрхшээл бол хоолондоо махны үнэр, амт, өнгийг үгүйлэх явдал байдаг. Тэгвэл сүүлийн үед ургамлаас махыг орлох олон нэр төрлийн бүтээгдэхүүн гаргаж авах ч болсон нь танд энэ бэрхшээлийг давахад туслах болно. Шар буурцаг, улаан буудай зэрэг нь “мах орлуулагч” гаргаж авах хамгийн гол эх үүсвэр юм. Мах орлуулагчдыг ашиглан махтай төстэй шинж чанар, амт бүхий төрөл бүрийн бүтээгдэхүүн үйлдвэрлэх боломжтой. Тухайлбал, өндөр хөгжилтэй орны хүнсний үйлдвэрүүд цагаан хоолны хэрэглээг дэмжих зорилгоор шар буурцаг, буудайн уураг ашиглан махтай андуурам үнэр, амт, шинж чанар бүхий хиам, зайдас, тахианы гуя, нугас, загас зэрэг бүтээгдэхүүн үйлдвэрлэх болжээ. Монголын хүнс импортлогч компаниуд эдгээр бүтээгдэхүүний заримаас зах зээлд нийлүүлж байгаа тул бид хоол хүнсэнтэй мах орлуулагч бүтээгдэхүүнийг өргөн хэрэглэх боломж бүрдэж байна. Түүнчилэн шар буурцаг, улаан буудайн гурилын уургийг цэврээр ялгаж үхэр болон адууны мах гэж андуурам шинж чанар бүхий бүтээгдэхүүнийг “Үнэний зам” компани үйлдвэрлэн зах зээлд нийлүүлж эхлээд байгаа билээ. Тэгэхээр та цагаан хоолонд шилжих эхний үед хоолондоо ургамлын гаралтай эдгээр “мах орлуулагч” хэрэглэснээр мах үгүйлэх бэрхшээлээс ангижирч цагаан хоолны хэрэглээгээ нэмэгдүүлж чадах болно. Нөгөөтэйгүүр гэрийн нөхцөлд шар буурцгийн сүү, тараг, бяслаг (дүпү) хийж болохоос гадна улаан буудайн уургаас мах орлуулагч уураг (глутин) гаргаж авч болдог.

Сонгодог дайн

Тарж бутарсан бодол сэтгэлийн чинь зүг рүү айлсахаар
Там болсон бурхан шашны үзлийн эсрэг зогсохоор
Тансаг харш тэргүүтэн мөнх бусад оршдогийг мэдрүүлэхээр
Тархины эд эсийг чинь ая будгийн үгсээр цэнэглэхээр
Тайван замаар жингийн цуваа шиг шүлгээ тэрлэсээр
Таны зүг шүлэгчдийн эгнээ сонгодог дайныг хийсээр...

Моцартын симфонид хуурын аялгуу дутуу эгшиглэдгийг сонсгохоор
Монагийн инээмсэглэлд худлын өнгө дутуу зурагдсаныг харуулахаар
Буддын найраглалд бурханы сургаал дутуу шингэснийг ойлгуулахаар
Бушхүүгийн үлгэрт домгийн үнэн дутуу туурвигдсаныг үзүүлэхээр
Шүхэрлэн буух бороон дусал шиг шүлгээ тэрлэсээр
Шүлэгчдийн эгнээ чиний ухамсартай сонгодог дайн хийсээр...

Шүүдрийн дусалд далайн ус бүхэлдээ багтдагийг
Сүүдрийн чанадад гэрлийн ертөнц нуугдан сүүмэлздэгийг
Сүнсний дурлалд чиний хайр оршин тогтнодгийг
Шүлэгчийн сэтгэлд гурав дах нүд анивчин гэрэлтдэгийг мэдрүүлэхээр
Болрын өнгө шиг түмэн янзаар шүлгээ тэрлэсээр
Бодлын сав руу чинь сонгодог дайн хийсээр...
Найрагчийн эгнээ

Энд

Цэцгийн дэлбээнд шүүдэр зохих нь
Зохирол шиг

Аниргүйд алдсан санаа
Навчинд буух нь
Намар шиг

Хаа нэгтээгээс ирсэн гийчинд
Сэтгэлээ дайсан минь
Хайр шиг

Санамсаргүй он цагыг анзаарсан минь
Ухаарал шиг

Хөшигний завсараар тэр
Туяагаа илгээх нь
Гомдомхой сэтгэлийг аргадах шиг

Хөл дор хувцас хөглөрч
Амьсгал давчдах нь
Үргэлжлэл шиг

Явсан, гээсэн, үгүйрсэнд
Үл харамсаад бодолгүй болох минь
Ариусал шиг

Юу ч үгүй ирээд
Хүн болж амьдарх нь
Цэцэг ургах шиг

Enrigue - Maybe

If I ??
I go back to the moment I kissed
Do you goodbye no matter how hard I tried
I can't live without you in my life

Maybe you say you still want me
Maybe you say that you don't
Maybe we say it was over
Baby I can't let you go

I walk around couldn't understand
Where we were wrong and I can't pretend
It wasn't me it wasn't me
But I'm convinced we gave up too soon

Maybe you say you still want me
Maybe you say that you don't
Maybe we say it was over
Baby I can't let you go

Nothing that you lose was up to losing you
There's nothing I can take
When I run to you, when I come for you
You tell me I'm too late

Maybe you say you still want me
Maybe you say that you don't
Maybe we say it was over
Baby I can't let you go